Деннис Фрэнсис : «Зомбулук дагы көп зомбулукка алып барат»
Бириккен Улуттар Уюмунун Башкы ассамблеясынын төрагасы Деннис Фрэнсис : «Зомбулук дагы көп зомбулукка алып барат»,-деп Газада толук ок атышпоонун зарыл экендигин айтты.
Бириккен Улуттар Уюмунун Башкы ассамблеясынын төрагасы Деннис Фрэнсис : «Зомбулук дагы көп зомбулукка алып барат»,-деп Газада толук ок атышпоонун зарыл экендигин айтты.
Фрэнсис БУУнун Нью - Йорктогу имаратында пресс - конференция өткөрдү.
Фрэнсис Израиль - Палестина маселесине байланыштуу дипломатияда бардык нерсенин мүмкүн экенин, тараптар бир столдун тегерегине отуруп сүйлөшө баштаганда жыйынтыктын кандай болору белгисиз экенин айтты.
Фрэнсис: "Артка кылчайып карасаңар, кризистин башталышы болгон 7 - октябрдан бери ок атышууну токтотууга тынымсыз чакырдым. Ок атышууну толук токтотуу керек. Анткени зомбулук дагы көп зомбулукка алып барат",- деди.
Зомбулуктун чечүүчү жол эмес экендигин, маселени чечүү үчүн саясий катышуунун зарыл экенин белгилеген Фрэнсис: "Ошол эле учурда БУУнун негизги баалуулуктарынын бири адам өмүрүн сактап калуу. Кагылышуу болгон учурда адамдардын өмүрү коркунучта болот. Кагылышуунун жыйынтыгында 5 жуманын ичинде 15 миң адамдын каза болгондугун көрүп жатабыз»,- деди.
Бул абалдын туруктуу эмес экенин жана чечүүчү жолго кызмат кылбаганын баса белгилеген Фрэнсис : «Кагылышууларга берилген гуманитардык тыныгуунун толук ок атышпоого айланышын жана саясий процесстин башталышын каалайм»,-деди.
Хамастын аскердик канаты Кассам бригадасы 7-октябрда Израилге карата «Акса топону» деп аталган кеңири чабуулун баштаганын жарыялаган.
Буга жооп катары Израиль армиясы согуштук учактар менен Газа тилкесине каршы «Темир кылычтар» операциясын баштаганын жарыялады.
Чыңалуунун күчөшүндө болжол менен 16 миң палестиналык каза болду.
Тектеш кабарлар
АКШдан Украинага 2 миллиард долларлык жардам
Украинага барган Блинкен Киевди колдоо боюнча комментарий берди.
Газада каза болгондордун саны 35 миң 233кө жетти
Израилдин Газа тилкесине 222 күндөн бери улантып жаткан кол салуулары тууралуу маалымат берилди.