Си Цзиньпин менен Эммануэль Макрон сүйлөшүү өткөрдү
Эки лидер телефон аркылуу сүйлөшүүсүндө, Газадагы абал жана Палестина маселеси боюнча пикир алмашышты.
Кытайдын төрагасы Си Цзиньпин менен Франциянын президенти Эммануэль Макрон, Израиль менен Палестинанын ортосундагы жаңжал циклинен чыгуунун негизги жолунун эки мамлекеттүү чечим экенин баса белгилешти.
Кытайдын Тышкы иштер министрлигинен берилген маалыматка караганда, эки лидер телефон аркылуу сүйлөшүүсүндө Израилдин кол салууларына кабылган Газадагы абал жана Палестина маселеси боюнча пикир алмашышты.
Си жана Макрон Израиль-Палестина жаңжалынын курчушуна жол бербөөнү, дагы да олуттуу гуманитардык кризистин алдын алууну шашылыш приоритет деп эсептегендерин билдиришип: «Эки мамлекеттүү чечим, Израиль менен Палестинанын ортосундагы кагылышууну жөнгө салуунун негизги жолу» дешти.
Хамастын аскердик канаты Кассам бригадасы 7-октябрда Израилге карата «Акса топону» деп аталган кеңири чабуулун баштаганын жарыялаган.
Буга жооп катары Израиль армиясы да согуштук учактар менен Газа тилкесине «Темир кылычтар» операциясын баштаганын кабарлаган.
Күчөгөн чыңалууда көбү балдар 13 миңден ашуун палестиналык каза болду.
