Жульетта Тоума: «Газада жер титирөө болгон сыяктуу кыйроолор болуп жатат»
Тоума жана БУУнун Бүткүл дүйнөлүк азык-түлүк программасынын Жакынкы Чыгыш, Түндүк Африка жана Батыш Европа боюнча улук аймактык байланыш кызматкери Абеер Этефа БУУнун Нью-Йорктогу имаратында видео конференция аркылуу журналисттерге билдирүү жасады.
Бириккен Улуттар Уюмунун (БУУ) Палестиналык качкындарга жардам берүү жана иш боюнча агенттигинин (UNRWA) байланыш директору Жульетта Тоума: «Газада жер титирөө болгон сыяктуу кыйроолор болуп жатат, бирок бул адамдын колу менен болду. Муну алдын алууга толук мүмкүн болчу»,-деди.
Тоума жана БУУнун Дүйнөлүк азык-түлүк программасынын Жакынкы Чыгыш, Түндүк Африка жана Батыш Европа боюнча улук аймактык байланыш кызматкери Абеер Этефа БУУнун Нью-Йорктогу имаратында видео конференция аркылуу журналисттерге билдирүү жасады.
Газада буга чейин байланыш кызматтарынын үзүлгөнүн жана мунун 7-октябрдан бери 4-жолу жасалганын белгилеген Тоума, гуманитардык жардамдарды координациялоо жана бөлүштүрүүнүн мүмкүн эместигин айтты.
Тоума: «Газа калкы 6 жумадан бери тозокту башынан өткөрүүдө»,-деп айтып: «Газада суу, күйүүчү май, тамак-аш жана гуманитардык жардамдардын курал катары колдонулганын көрүп жатабыз»,-деди.
Көп сандагы палестиналыктын жеринен ажыраганын белгилеген Тоума: «Бул 1948-жылдан бери биз көргөн эң жогорку көрсөткүч. Адамдар биздин көз алдыбызда массалык түрдө көчүүгө аргасыз болууда. Кээ бирөөлөр мурунку травмасын эстеп жатса, кээ бирлери ата-бабаларынын башынан өткөн травмасына күбө болууда»,-деп сереп салды.
«Бул шарттардын баары бизди орто кылымдарга алып барат», - деген Тоума болжол менен 800 миң кишинин UNRWA мекемелеринде баш калкалаганын кошумчалады.
Тоума: «Газанын түндүгү да, түштүгү да, борбордук аймактары да коопсуз эмес, Газада коопсуз жер жок»,-деди. Ал бул кагылышууга эч кандай тиешеси жок БУУнун 103 кызматкеринин өмүрү кыйылганын баса белгиледи.
Күйүүчү майдын аймакта абдан олуттуу бир көйгөй экенин белгилеген Тоума: «Операцияларыбызды болтурбоо үчүн атайын жасалган аракет бар деп ойлойбуз»,-деди.
Абеер Этефа болсо: «Кыш жакындаган сайын адамдар баш калкалоочу жайларда адамдардын көптүгү жана ден-соолукка туура келбеген жашоо шарттарынан улам ачкадан өлүү коркунучуна туш болушат»,-деп айтты.
Газадагы учурдагы тамак-аш системаларынын да кыйраганына көңүл бурган Этефа, адамдардын бир күндө бир тамак менен жан сактоого аракет кылгандарын, мүмкүнчүлүгү болуп калса консерваларга жете ала турганын белгиледи.
Тектеш кабарлар
Газада уранды астында 10 миңден ашуун киши дайынсыз жоголду
Газадагы жарандык коргонуу директорлугунан темага байланыштуу жазуу түрүндө мсаалымат берилди.