НАТО жана ЕБ Украинага курал-жарак жана ок-дары берүүнүн көбөйтүлүшү керектигин билдирди

НАТО жана Евробиримдик (ЕБ) аймактагы абал оор болгон Украинага курал-жарак жана ок-дары колдоонун көбөйтүлүшү керек деген билдирүүнү берди.

НАТОнун баш катчысы Йенс Столтенберг Украинанын негизги күн тартиби менен өткөрүлгөн ЕБ Коргоо министрлеринин жыйынынын биринчи бөлүгүн коштоо үчүн келген Бельгиянын борбор шаары Брюсселдеги Евробиримдиктин Кеңешинде журналисттерге билдирүү жасады.

«Согуш талаасындагы кырдаал оор жана бул Украинага көрсөтүлгөн колдоону  улантууну жана көбөйтүүнү ого бетер маанилүү кылат, анткени биз (Орусия президенти) Владимир Путиндин жеңишине жол бере албайбыз»,-деп айткан Столтенберг: «Биз Украинага канчалык көп аскерий колдоо көрсөтсөк, сүйлөшүүлөрдөн алгылыктуу жыйынтыкка жетишүү ыктымалдыгы ошончолук жогору болот деп айта алабыз», - деди.

Евробиримдиктин тышкы иштер жана коопсуздук саясаты боюнча жогорку өкүлү Жозеп Боррелл да Биримдикке мүчө өлкөлөрдүн өз запастарынан Украинага ок-дарыларды жеткирүү баскычынын өткөнүн, Украинага жардамды улантуу үчүн эми өндүрүш кубаттуулугун жогорулатуу керектигин айтты.

Өндүрүштүк кубаттуулукту арттыруу үчүн мүчө өлкөлөр менен тармактардын ортосунда сүйлөшүүлөрдүн уланып жатканын белгилеген Боррел, бүгүнкү жыйында бул процесстин карала турганын жана ок-дарылардын Украинада кантип тезирээк камсыздалышынын карала турганын белгиледи.