Зеленский: "Орусия Кара деңизди согуш аракеттеринин аймагына айландырды"
Зеленский социалдык тармактагы билдирүүсүндө бүгүн Эл аралык Кара деңиз күнү экенин белгиледи.
2058365
Украинанын президенти Владимир Зеленский Орусиянын Кара деңизди согуштун, агрессиянын жана навигация эркиндигине коркунучтун аймагына айландырганын билдирди.
Зеленский социалдык тармактагы билдирүүсүндө, бүгүн Эл аралык Кара деңиз күнү экенин белгиледи.
Кара деңиздин коңшу өлкөлөр үчүн гана эмес бүткүл Европа, Жакынкы Чыгыш жана глобалдык азык-түлүк коопсуздугу үчүн стратегиялык мааниге ээ экенин айткан Зеленский: «Орусия аны согуш аракеттеринин, агрессиянын жана навигация эркиндигине коркунучтун аймагына айландырды. Кара деңизди тынчтыктын, сооданын жана өнүгүүнүн аймагы болуу ролун калыбына келтирүү үчүн күч-аракетибизди бириктиришибиз керек»,-деди.
