Израилдин Газага кол салуулары...
Израиль армиясы түнү бою Газанын ар кайсы жерлерине кол салууларын согуштук учактар жана артиллериялык аткылоо менен улантты.
Израилдик согуштук учактардын Газа тилкесинин түштүгүндөгү Хан Юнус шаарында жарандары бар үйдү бомбалоосунун натыйжасында бири бала жана эки аял болгон 4 киши каза болду.
Израил армиясы түнү бою согуштук учактар жана артиллериялык аткылоо менен Газанын ар кайсы жерлерине кол салууларын улантып жатканда дагы 100дөн ашуун палестиналык каза болду.
Палестинанын расмий агенттиги WAFAнын кабарына караганда Израилдин согуштук учактарынын Газа тилкесинин түштүгүндөгү Хан Юнус шаарында карапайым калк жашаган үйдү бомбалоосунун натыйжасында 1 бала жана 2 аялдан турган 4 киши каза болду.
Израиль аскерлери 7-октябрдан бери басып алган Батыш Шериада 1130 палестиналыкты кармады.
Израиль армиясынын Газа тилкесиндеги Нусейрат качкындар лагериндеги базарды бомбалаганы, кол салууда каза болгон жана жаралангандардын болгондугу билдирилди.
Ошол эле учурда Израилдин Аскердик Аба күчтөрүнүн командири Томер Бар: «Блокададагы Газа тилкесине биринчи күндөгүдөй бүт күчү менен кол салууну улантабыз»,-деди.
Израил армиясы "согуштун кийинки этабына даярдануу жана туш боло турган коркунучтарды азайтуу" үчүн Газа тилкесине аба соккуларын күчөткөнүн жарыялады.
Израилдин Ливандын чек арасынын түндүк аймактарында чыр-чатактар болуп жаткан дагы 14 конушун эвакуациялоону чечкени маалымдалган.
Бул эвакуация чечими менен Ливан-Израиль чек арасынын эки тарабында өз ара кол салуулардын натыйжасында акыркы бир жумада эвакуацияланышына чечим чыгарылган израилдик отурукташуу жерлеринин саны 43кө жетти.
Израиль армиясынын блокададагы Газа тилкесине карай кол салууларында дагы 5 мечитти талкалоосу менен 7-октябрдан бери кол салууларда кыйратылган мечиттердин саны 31ге жетти.
Бир тараптан Израиль армиясы 7-октябрдан бери блокададагы Газа тилкесине кол салууларында 26 мечитти толугу менен талкалады.
Палестинанын медицина жана саламаттыкты сактоо адистери коомунан доктор Ибрахим Бедри Израилдин Газага карай кол салууларында 64 медицина кызматкеринин шейит болгонун, 7 оорукана, 21 саламаттык сактоо борбору жана 23 тез жардам унаасынын жараксыз абалга келгенин айтты.
Бедри, Газага дароо медициналык каражаттар жана күйүүчү май жардамдары берилбесе, саламаттык сактоо системасынын кыйрай турганын белгиледи.
Хамастын аскерий канаты Кассам бригадасы 7-октябрда Израилге каршы «Акса топону» деп аталган кеңири чабуулун баштаганын жарыялаган.
Газадан Израилге карай миңдеген ракеталар атылганда, куралдуу топтор аймактагы отурукташуу жерлерине кирген.
Израиль армиясы да Газа тилкесине каршы согуштук учактар менен «Темир кылычтар» операциясын баштаганын жарыялаган.
Палестинанын Газадагы Саламаттыкты сактоо министрлиги Израилдин Газага кол салууларынан 1756сы бала болгон 4 миң 385 кишинин каза болгонун, 13 миңден ашуун кишинин жараланганын жарыялады.
