HRW: "Газада 600 миң киши таза сууга муктаж"
HRW X социалдык платформасындагы билдирүүсүндө, Израилдин Газа тилкесин блокадага алуусу палестиналык балдарды жана башка жарандарды чоң тобокелге салып жатканын белгиледи.
Адам укуктарына байкоо салуу уюму (HRW) Израилдин 11-октябрда Газага суу берүүнү токтотуп, 600 миң кишини таза суудан ажыратканын жарыялады.
HRW X социалдык платформасындагы билдирүүсүндө, Израилдин Газа тилкесин блокадага алуу менен палестиналык балдарды жана башка жарандарды чоң тобокелге салып жатканы белгиленди.
Билдирүүдө Израилдин 11-октябрда Газага суу берүүсүн токтотуп, 600 миң кишини таза суудан ажыратканы, суу, отун жана электр энергиясына жол бербөөнүн адамдардын өмүрүн коркунучка салганы айтылды.
Билдирүүдө Израилдин Газаны мыйзамсыз блокадалоосунун балдар үчүн өлүмгө алып келгени кабарланды.
Израилдин энергетика министри Йизраэль Катц 10-октябрдагы билдирүүсүндө, 2 миллионго жакын палестиналык жашаган Газа тилкесине суунун агымы токтотулганын айткан.
Хамастын куралдуу канаты «Изз ад-Дин аль-Кассам» бригадалары 7-октябрда Израилге каршы «Акса топону» деп аталган кеңири чабуулун баштаганын жарыялаган.
Газадан Израилге карай миңдеген ракеталар атылып, куралдуу топтор аймактагы отурукташуу жерлерине кирип барышкан.
Израиль армиясы да согуштук учактар менен Газа тилкесине «Темир кылычтар» операциясын баштаганын билдирген.
Күчөгөн чыңалууда эки тараптан тең миңдеген өлүмдөр бар.
