Захарова: «Зенгезур нормалдаштыруу үчүн маанилүү»

Орусиянын Тышкы иштер министрлигинин басма сөз катчысы Мария Захарова, Азербайжанды Нахчыван менен байланыштыра турган Зангезур коридорунун ишке ашырылышынын Баку менен Ереван ортосундагы карым-катнаштардын нормалдашуусу үчүн маанилүү потенциалга ээ экенин айтты.

Захарова борбор шаар Москвада жумалык маалымат жыйынында сөз сүйлөдү.

Орусия да маанилүү экенин белгилеген Түштүк Кавказда транспорттук байланыштарды жана логистиканы өнүктүрүү пландарынын алкагында Зангезур коридорунун ачылышына байланыштуу армян тарап менен байланыштар тууралуу суроого жооп берген Захарова, Азербайжан, Армения жана Орусиянын вице-премьер-министрлери тарабынан тең төрагалык кылган үч тараптуу жумушчу топтун алкагында бул иштин аткарылганын эске салды.

Мария Захарова:«Азербайжанды Армениянын Суник аймагы аркылуу Нахчыван Автономдук Республикасы менен байланыштырган транспорт жолун калыбына келтирүү долбоору каралууда. Бул долбоорду ишке ашыруу Ереван менен Бакунун ортосундагы мамилелерди жөнгө салуу үчүн олуттуу потенциалга ээ экенин көрүп турабыз. Мунун баары өлкөлөрдүн саясий эркине жана алардын белгилүү бир келишимдерге жетишүүгө даярдыгынан көз каранды», - деп айтты.

Армениядагы орус аскер базасынын келечегине байланыштуу Еревандан терс кадамдарды күтүшпөйбү деген суроого Захарова бул базага байланыштуу Армения менен кагаз жүзүндө келишимдер бар экенин эске салды.

Конкреттүү кадамдарга конкреттүү жооп бере тургандыктарын баса белгилеген орус катчысы, ишке ашпаган маселелер боюнча эч кандай комментарий бербегендерин белгиледи.