Вучич - Зеленский жолугушуусу

Сербиянын президенти Александр Вучич Украинанын жеринин бүтүндүгүнө сый көсөтөрүн айтты. Вучич Грециянын борбор шаары Афинада Грециянын премьер-министри Кирякос Мицотакистин чакыруусу менен Балкан өлкөлөрүнүн лидерлери кечээ кечки тамактан кийин Украинанын президенти Владимир Зеленский менен жолугушту.

Жолугушуудан кийин жергиликтүү маалымат каражаттарына маалымат берген серб лидери Вучич : "Зеленский менен ачык сүйлөштүм. Ал "Сербиядагы адамдардын кандай ойлогондугун жана эмне үчүн мындай болуп жаткандыгын" сурады. Мен ага Сербиянын Украинанын аймактык бүтүндүгүнө сый көрсөтөрүн айттым" ,- деди. 

Сербия менен Грециянын достук карым - катнаштарынын бар экенин белгилеген Вучич : "Мицотакис Косовонун көз карандысыздыгын таануу боюнча Грециянын позициясында эч кандай өзгөрүү болбойт",-  деп билдирди. 

Балкан өлкөлөрүнүн Европа Биримдигине мүчөлүгү перспектива жана Европа Биримдигинин келечеги каралган тамакка Вучич Молдованын президенти Мая Санду, Черногориянын президенти Яков Милатович, Румыниянын премьер-министри Ион Марсель Чиолаку, Косовонун премьер-министри Альбин Курти, Босния Герцеговина министрлер кеңешинин төрагасы Борьяна Кристо, Түндүк Македониянын премьер-министри Димитар Ковачевски, Болгариянын премьер-министри Николай Денков жана Хорватиянын премьер-министри Андрей Пленкович катышты.

Албаниянын премьер - министри Эди Рама болсо 14-майда Албанияда өткөрүлгөн жергиликтүү шайлоо алдында кармалган жана шайлоодо алдыга чыккан грек азчылыгынын мэрликке талапкери Альфред Белеринин  22 - майда камакка алынышынан Афинанын тынчсыздануусунан улам  кечки тамакка чакырылган жок.