Дибейбе коопсуздук жана туруктуулукка басым жасады

Ливиянын улуттук биримдик өкмөтүнүн премьер-министри Абдулхамид эд-Дибейбе өлкөдө кагылышуулардын кайра башталышы кабыл алынгыс экендигин билдирди.

Дибейбенин борбор шаар Триполиде кээ бир мэрлер жана белгилүү инсандар менен болгон жолугушуусунда жасаган билдирүүлөрү социалдык медиа эсеби Фейсбуктан жарыяланды.

Ливияда кагылышуулардын кайра башталышынын кабыл алынгыс экенин белгилеген Дибейбе өлкөнүн  жоопкерчиликсиз кадамдарды көтөрө албастыгын айтты.

Жыйында социалдык жана коопсуздук боюнча күч-аракеттерди бириктирүү, мурдагы чыр-чатактардын чагылууларын жок кылуу, себебине карабастан ушул сыяктуу чыр-чатактарга жол бербөө боюнча аракеттерди көрүү боюнча макулдашылды.

Ливия президенттик кеңешинин төрагалыгына караштуу кылмыш жана террор менен күрөшүү бөлүмү "рада" менен улуттук биримдик өкмөтүнө караштуу "444 полкунун" арасында борбор шаардын Айн Зара аймагы жана түштүгүндө дүйшөмбү күнү кагылышуулар чыккан. 

Эки күнгө созулган кагылышуулардан себебине байланыштуу расмий маалымат берилбестен Ливия басма сөзүндө кагылышууну "Раданын" "444 полкунун" командири Махмуд Хамзаны кармашынын күчөткөндүгү тууралуу кабарларды чыккан.

Улуттук биримдик өкмөтү кечээ Махмуд Хамзанын багынып беришинен кийин ок атышпоо келишиминин түзүлгөнүн, кагылышууларда каза болгондордун саны 55ке жеткенин жарыялаган.