Судандагы окуялар...

Судандын борбор шаары Хартумдун ар кайсы аймактарында армия менен Ыкчам колдоо күчтөрү (HDK) оор куралдар менен кагылышты.

Баш калаа Умдурманда армиянын согуштук учактары шаардагы HDK позицияларын бомбалады.

Атайын операция күчтөрүнүн Умдурманда издөө жана тинтүү иштерин жүргүзгөнүн жарыялаган армия, HDK мүчөлөрүнүн массалык түрдө аймактан качканын айтты.

Бахри шаарында да катуу кагылышуулар болду.

Кагылышуулар Шамбат жана Халфая көпүрөлөрүнүн айланасында байкалды.

Күбөлөр армиянын HDK мүчөлөрүн жарандардын үйлөрүнөн кууп чыгуу жана аларды зыянсыздандыруу үчүн Бахринин ар кайсы райондоруна катуу жайгаштырганын билдиришти.

Ошол эле учурда Судандын жарандык авиация башкармалыгы, гуманитардык жардам жана эвакуация каттамдарынан башка аба мейкиндигин жабуу чечиминин 31-июлга чейин узартылганын жарыялады.

Апрель айынын орто ченинде армия менен HDK ортосундагы жарандык согуштан кийин Судандын аба мейкиндиги кадимки аба каттамдарына жабылган.

Бир тараптан Эл аралык миграция уюму Суданда апрелдин ортосунан бери уланып жаткан жарандык согуштун себебинен жер которгон адамдардын саны 3 миллиондон ашканын жарыялады.

IOM бөлүшкөн акыркы маалыматтарга караганда, 2 миллион 414 миң киши кагылышуулардан улам өлкөнүн ичинде башка аймакка качса, 737 миң киши коңшу өлкөлөргө баш калкалады.

Өткөн аптадан бери жер которгондордун саны 180 миң кишиге көбөйсө, өлкөдө эң көп жер которгон 72 пайыз менен Хартум провинциясы болду.