Пакистанда муссон жамгырларынан улам каза болгондордун саны 80ге жетти
Улуттук маалымат каражаттары кабарлагандай, Индия катуу жааган муссон жамгырынан улам Рави дарыясындагы дамбалардан сууну агыза баштады.
Пакистанда 25-июндан бери жааган муссон жамгырларынан улам каза болгондордун саны 80ге жетти.
Улуттук апаат менен күрөшүү агенттигинин (NDMA) билдирүүсүнө караганда, акыркы 24 саатта катуу жааган жамгырдан улам Пенжаб, Синд жана Белужистан провинцияларында 4 киши каза болуп, 9 киши жараланды.
Өлкөдө 25-июндан бери тынбай жааган муссон жамгырларынын кесепетинен болгон кырсык жана кырсыктарда каза болгондордун саны 80ге, жаракат алгандардын саны 142ге жетти.
Бир тараптан Индиянын Рави дарыясындагы дамбалардан сууну кое берүүсүнөн кийин Пакистанда селден улам камалып калган 224 киши куткарылды.
Улуттук маалымат каражаттары кабарлагандай, Индия катуу жааган муссон жамгырынан улам Рави дарыясындагы дамбалардан сууну агыза баштады.
Индия дамба дарбазаларын ачкандан кийин Пакистандын Пенжаб провинциясынын Наровал аймагындагы Сакаргах шаарында сел жүрдү.
Шакаргахта селден улам камалып калган 224 киши куткарылып, коопсуз аймактарга эвакуацияланды.
Көптөгөн айыл чарба жерлерине да зыян келтирген селдин 48 саатта Лахорго жете турганы белгиленди.
Жаңы Дели Индиядан Пакистанга аккан дарыялардын үстүнө курган дамбалардан сууну кое берип жаткан учурда эки өлкө маал-маалы менен кагылышууда.
