Европа Биримдиги Россиянын тоңдурулган 200 миллиард евросун колдонууну каалайт

Европа Биримдиги Комиссиясынын төрайымы Урсула фон дер Ляйен Россиянын Борбордук банкынын тоңдурулган активдеринен түшкөн кирешеге басым жасаган сунушту даярдай тургандарын айтты.

Фон дер Ляйен менен Европа кеңешинин төрагасы Шарльз Мишель Бельгиянын борбор шаары Брюсселде  Европа Биримдигинин лидерлер саммитинин акырында өткөрүлгөн маалымат жыйынында сөз сүйлөштү.

Саммитте тоңдурулган орус активдерин талкуулагандарын белгилеген фон дер Ляйен : "Комиссиясы тоңдурулган активдер тууралуу сунуш даярдайт. Бул сунуш этияттык менен Россиянын Борбордук банкынын тоңдурулган активдеринен түшкөн кирешеге көңүл бурабыз",- деди.

Россиянын Украинадагы чоң кыйроодон жооптуу экендигин айткан Фон дер Ляйен : "Украинанын инфраструктурасынын  чоң бир бөлүгүн жок кылган Россиянын мунун оңдолушуна жана кайрадан курулушуна салым кошпошу сөз боло албайт",- деди.

Фон дер Ляйен эл аралык өнөктөштөр менен жакын кызматташтык ичинде орус активдеринин рус активдеринин күтүлбөгөн пайдасына этият мамиле кыла тургандарын баса белгилеп, Европа Борбордук банкынын  бул тууралуу көз карашын жана тынчсыздануусун  олуттуу кабыл алганын белгиледи. 

Европа Кеңешинин төрагасы Мишель да : "Биз өнөктөштөр менен Украина үчүн тоңдурулган активдерди пайдалануу боюнча аракеттерди улантышыбыз керек",- деди.  

«Бул акчанын бир бөлүгүн Украинанын келечеги үчүн колдонуу адилеттүү болот деп ойлойбуз», - деген Мишель алардын абдан олуттуу экендерин жана бул абалга кенен түрдө баа бергендерин баса белгиледи.