Йенс Столтенберг Климат жана коопсуздук иш-чарасында сөз сүйлөдү

НАТОнун башкы катчысы Йенс Столтенберг альянс армияларынын аскердик эффективдүүлүгүн азайтпастан, климаттын өзгөрүшүнө каршы күрөшүү максаттарына шайкеш келиши керектигин айтты.

Столтенберг Бельгиянын борбору Америка Кошмо Штаттары болгон German Marshall Fund уюштурган Климат жана коопсуздук иш-чарасында сөз сүйлөдү.

Баш катчы климаттын өзгөрүшүнө каршы күрөшүүнүн жана союздаштардын коопсуздугу үчүн “жашыл энергетикага” өтүү үчүн шарт түзүүнүн маанисине токтолду.  

Столтенберг НАТОнун аскердик эффективдүүлүгүн бузбастан,  куралдуу күчтөр  күчтүү болгондой эле ошончолук “жашыл” да болушу керек экендигин жактады.

Азыркы учурда танктар, кемелер жана учактар «климатка ылайыктуу» болбогондуктан жана фоссилдик күйүүчү майларды көп керектегенине көңүл бурган Столтенберг : "Эгерде биз глобалдык таза нөлдүк эмиссияга жетүүнү каалаган болсок, анда аскердик иш-аракеттерден чыккан абдан олуттуу эмиссияларды кыскартышыбыз керек. Ошондуктан технологияны өнүктүрүшүбүз керек",- деди.

НАТОнун бул темада туура жолдо экенин белгилеген Столтенберг Канадада климаттык өзгөрүү боюнча борбордун бар экенин, инновация фонддорунун бар экендигин, аскердик потенциалга терс таасирин тийгизбестен, абага зыяндуу заттарды чыгарууну азайтуунун жолдорун табуу үчүн изилдөө жана анализдердин көбөйгөнүн айтты.

Украинадагы согуштун энергетика коопсуздугу,  климаттын өзгөрүшү менен күрөшүүнүн канчалык тыгыз байланышта экенин көрсөткөнүн баса белгилеген Столтенберг, Россиянын мунай жана газына болгон көз карандылыкты азайтуунун жана жаңылануучу энергияга инвестиция салуунун маанисине басым жасады.

Столтенберг муну аткарып жатып союздаштарды Кытай сыяктуу  өлкөлөргө чийки зат боюнча көз карандылыкты өнүктүрбөө боюнча эскертти.

Баш катчы Европа Биримдиги жана АКШ менен НАТОнун уникалдуу чийки затты кантип өндүрүү жана  кандай технологияларды колдонуу боюнча кызматташуусу керектигин баса белгиледи.