Байдендин билдирүүлөрү...

Америка Кошмо Штаттарынын (АКШ) президенти Жо Байден, Украинанын НАТОго мүчөлүгүнө байланыштуу башка өлкөлөр менен бирдей стандарттарга жооп бериши керектигин жана бул алкакта бул өлкөгө өзгөчө ыңгайлуулук берилбей турганын билдирди.

Байден Пенсильвания сапарынын алдында учакка отурар алдында журналисттердин суроолоруна жооп берди.

«Украинанын НАТОго мүчө болушуна көмөк көрсөтөсүзбү?» деген суроого Байден: «Жок. Анткени алар бирдей стандарттарга жооп бериши керек. Ошондуктан мен аны жеңилдете албайм»,-деп жооп берди.

Орусиянын Беларуста тактикалык өзөктүк куралын жайгаштыруусуна байланыштуу Байден муну «толугу менен жоопкерсиздик» деп эсептей турганын айтты.

АКШнын мамлекеттик катчысы Энтони Блинкендин Кытайга сапарынын эки өлкөнүн ортосундагы чыңалууну басаңдатуу мүмкүнчүлүгү тууралуу суроосуна Байден: «Албетте. Карачы, Кытайдын АКШ менен эч кандай байланышы жок мыйзамдуу көйгөйлөрү бар»,-деп жооп берди.

Февраль айында түшүрүлгөн кытайлык «шпиондук» шардын түшүрүлүшүнөн улам келип чыккан чыңалууга шардын түшүшү себеп болгонун ойлобогонун баса белгилеген Байден: «Мен Кытай жетекчилиги (шардын) кайда экенин, анын ичинде эмне бар экенин жана эмне болуп жатканын билбейт деп ойлойм. Бул, менин оюмча, атайылап жасалгандан да уят болду. Жакынкы бир нече айдын ичинде мен Кытайдын төрагасы Си менен кайрадан жолугуп, биз макулдаша ала турган тармактар, ошондой эле бизде болгон мыйзамдуу пикир келишпестиктер тууралуу сүйлөшөм деп үмүттөнөм»,-деп айтты.