Мьянмада 6 миңден ашуун жайкын тургун набыт болду

Мьянмада 2021-жылдын февраль айындагы төңкөрүштүн алгачкы 20 айында каза болгон жарандардын саны 6 миң 337ге жетти.

Ослодогу Тынчтыкты изилдөө институту тарабынан жарыяланган отчетто төңкөрүштөн кийинки 20 айдын ичинде Мьянмада каза болгон жана жарадар болгон жарандардын саны иликтенди.

Отчетко ылайык, 2021-жылдын 1-февралынан 2022-жылдын 30-сентябрына чейин «саясий себептерден» 6 миң 337 адам каза болуп, 2 миң 614 адам жаракат алды.

Ошондой эле бул өлүмдөрдүн 3 миң 3үнө армия, полиция жана элдик кошуундардан, 2 миң 152сине куралдуу оппозициялык топтор себеп болду.

Отчетто темага байланыштуу: «Бул көрсөткүч жалпыга маалымдоо каражаттарындагы көрсөткүчтөрдөн бир топ жогору, бирок бул көрсөткүчтөр ишенимдүү маалымат булактарынан алынган өлүм санына негизделген»,-деп айтылды.

Мьянма армиясы, 2020-жылдагы жалпы шайлоонун бурмалангандыгы жөнүндөгү айыптоолор жана өлкөдө саясий чыңалуудан кийин 2021-жылы 1-февралда бийликти басып алган.

Армия өлкөнүн лидери жана тышкы иштер министри Аун Сан Суукини баш болгон көптөгөн жетекчилерди жана бийликтеги партиянын төрагаларын камакка алып, бир жылга чукул кырдаал жарыялаган.