Ливияга Түркия менен бирге 7 өлкөдөн шайлоо чакырыгы

Бириккен Улуттар Уюмунан (БУУ) тышкары Түркия да болгон 7 өлкө Ливиядагы шайлоолор үчүн «ачык жол картасын» даярдоо процессинин бүтүшүнө чакырык салынды.

Ливиянын Мамлекеттик Жогорку Кеңешинен берилген маалыматка караганда Кеңештин төрагасы Халид эл-Мишри Ливиянын борбор шаары Триполиде Шайлоо мыйзамдары (6+6) комитетинин төрагасы Омар Мухаммад Абу Лайф менен жолугушту.

Жыйынга Бириккен Улуттар Уюмунун Ливиядагы колдоо миссиясынын (UNSMIL) өкүлүнүн орун басары Райседон Зененга, Европа Биримдигинин (ЕБ) Ливиядагы элчиси Хосе Сабаделл, Түркиянын Триполидеги элчиси Кенан Йылмаз, Британиянын Триполидеги элчиси Кэролайн Хурдалл, Франциянын Триполидеги элчиси Мостафа Михраже, Египеттин Триполидеги элчиси Мустафа Тамир жана Италиянын элчилигинин убактылуу ишенимдүү өкүлү Майкл Росси катышты.

АКШнын Триполидеги элчиси жана Ливия боюнча атайын өкүлү Ричард Норланд менен Германиянын Триполидеги элчиси да жыйналышка видеоконференция аркылуу катышты.

Ливиянын Мамлекеттик Жогорку Кеңешинин жана Өкүлдөр палатасынын өкүлдөрүнөн турган 6+6 комитетинин Мароккодогу жолугушуулардын жыйынтыгында шайлоо мыйзамдарын бекитүү маселеси талкууланган жыйында шайлоону өткөрүү үчүн «так жол картасын» даярдоо процессинин аягына чыгышы керектиги белгиленди.

Эмне болду эле?

Ливиянын Мамлекеттик Жогорку Кеңеши жана Өкүлдөр палатасынын алты мүчөсүнөн турган Шайлоо мыйзамдарын аныктоо комитети, Өлкөдөгү шайлоолордун конституциялык негизи катары кабыл алынган Конституциялык декларациянын 13-беренесине өзгөртүү киргизүү үчүн бир канча убакыттан бери Марокконун Бузника шаарында жолугушууларды өткөрүүдө.

Комитеттин мүчөлөрүнүн 3-июнда Ливияда шайлоо өткөрүүгө жол ачкан мыйзамдарды көпчүлүк добуш менен кабыл алганы жарыяланган.

Башка жагынан алганда, Мамлекеттик Жогорку Кеңештин 61 мүчөсүнүн 54ү жана Өкүлдөр палатасынын айрым мүчөлөрү, ошондой эле өлкөдөгү эң күчтүү оппозициялык партиялардын бири болгон Адилеттик жана курулуш партиясы жана башка кээ бир партиялар Мароккодогу жолугушуунун жыйынтыктарын кабыл албай тургандарын жарыялашкан.

Ливиядагы шайлоо мыйзамдарын аныктоо комитетинен берилген жазуу түрүндөгү маалыматта шайлоо мыйзам долбоорлорунун мүчөлөр тарабынан бир добуштан кабыл алынганы жана кийинки шайлоолордун бул мыйзамдарга ылайык өткөрүлө турганы белгиленди.

Долбоорду комитет мүчөлөрү жактырганы менен, Ливия Конгрессинин Өкүлдөр палатасынын төрагасы Акиле Салих менен Ливиянын Мамлекеттик Жогорку Кеңешинин Төрагасы Халид эл-Мишри тарабынан расмий кол коюла элек.