Украинага F-16 жеткирүүнү АКШ чечет
Британия менен Германиянын коргоо министрлери Украинага учактарды жеткирүү боюнча акыркы чечим АКШга таандык экенин билдиришти.
Британия менен Германиянын коргоо министрлери Украинага учактарды жеткирүү боюнча акыркы чечим АКШга таандык экенин билдиришти.
Британия менен Германия Украинанын Орусияга каршы согушуусу үчүн жакынкы келечекте Киевге согуштук учактарды жеткирбей тургандарын жана Киевге ыктымалдуу F-16 согуштук учактарынын жеткирилишине байланыштуу акыркы чечимдин АКШга таандык экенин билдирди.
Британиянын коргоо министри Бен Уоллес Германиянын коргоо министри Борис Писториус менен борбор шаар Берлинде өткөргөн маалымат жыйынында эки өлкөнүн Украинага аскердик колдоо көрсөтүүдө тыгыз кызматташтыгын улантууну кааларын айтты.
Украина бир нече ай бою Орусияга каршы согушунда атайын АКШдан жасалган F-16 согуштук учактарын талап кылып жаткан кезде, Британиянын коргоо министри Уоллес Украинага согуштук учактарды жөнөтүү боюнча эл аралык пландар тууралуу суроого Лондондо Киев каалаган мындай согуш учактарынын эч бири жок экенин жана Киевге ыктымалдуу F-16 согуштук учактарын жеткирүү боюнча чечимди «Ак үйдүн» кабыл алышы керектигин белгиледи.
Англия армиясынын инвентарындагы согуш учактарынын Украинага ылайыктуу эмес экенин белгилеген Уоллес, өлкөсүнүн Киевге согуштук учактарды жеткирүүдөгү ролунун машыгуу, координация жана логистика менен чектеле турганын баса белгиледи.
Германиянын коргоо министри Борис Писториус болсо алардын, Улуу Британия жана Нидерландиянын Украинага согуштук аба мүмкүнчүлүктөрүн камсыз кылуу үчүн машыгуудан баштап F-16 учактарын жеткирүүгө чейин ар түрдүү колдоо көрсөтүүсү сыяктуу «эл аралык коалицияны» түзүүгө активдүү салым кошуу үчүн машыгуу мүмкүнчүлүгү же аскердик техникасы жок экенин айтты.
Писториус: «Биз мындай альянста, мындай коалицияда активдүү роль ойной албайбыз, анткени бизде машыгуу мүмкүнчүлүгү да, мандаты да, учактары да жок», - деди.
Писториус ошондой эле F-16 согуштук учактарынын Киевге жеткирилиши боюнча акыркы чечимдин АКШда экенине көңүл бурду.
Писториус немис армиясынын инвентарындагы согуштук учактардын Украинада колдонууга ылайыктуу эмес экенин белгилеп, Украинанын танк жана абадан коргонуу сыяктуу башка компетенциялар тарабынан да колдоого алынганын баса белгиледи.
