Россияда бир тик учак кырсыкка учурады

Крымда Ми-28 үлгүсүндөгү аскердик тик учак кырсыкка учурап, эки аскердин каза болгону кабарланды.

Россиянын Коргоо министрлигинен берилген жазуу түрүндөгү маалыматта МИ-28 үлгүсүндөгү аскердик тик учактын Крымда машыгуу  учурунда кырсыкка учурагандыгы билдирилди.

Кырсыктан эки аскердин каза болгондугу белгиленген билдирүүдө  алгачкы аныктамалар боюнча  кырсыктын техникалык мүчүлүштүктөн улам болгондугу, окуяга байланыштуу иликтөө иштеринин жүргүзүлүп жаткандыгы маалымдалды. 

Россия Крымды 2014-жылы мыйзамсыз аннексиялап алган.