АКШга өтүүнү каалаган мексикалык мигранттарга кийлигишүү
Көпчүлүгү венесуэлалык жүздөгөн киши Мексиканын Матаморос шаарынан кайыктар менен эки өлкөнү бөлүп турган Рио-Гранде дарыясынан өтүүгө аракет кылышты.
Мексиканын коопсуздук күчтөрү АКШга өтүүнү каалаган жүздөгөн мыйзамсыз мигранттарга кийлигишти.
Мексика басма сөзүндө орун алган кабарга караганда, көпчүлүгү венесуэлалык жүздөгөн киши Мексиканын Матаморос шаарынан кайыктар менен эки өлкөнү бөлүп турган Рио-Гранде дарыясынан өтүүгө аракет кылышты.
Техаска караштуу Браунсвилл районуна жетүүнү каалаган мыйзамсыз мигранттарга Мексиканын коопсуздук күчтөрү кийлигишти.
Өлкөсүндөгү зордук-зомбулуктан, жакырчылыктан жана саясий туруксуздуктан качкандарын жүйө келтирген мигранттар чек ара аймактарында кандайдыр бир жол менен АКШга өтүүнү күтүп турушат.
Мексиканын Улуттук Миграция Институтунун (INM) билдирүүсүндө, чек арадан мыйзамсыз өтө турган болсо АКШ бийлигинин мигранттарды өз өлкөлөрүнө кайра жөнөтөрүн эскертип, мигранттардан расмий арыз жазууну талап кылды.
