Орусиянын Тынч океандагы аскер-деңиз флотунун даярдыгы

Орусия өзүнүн коргонуу жөндөмдүүлүгүн жогорулатууга багытталган текшерүүнүн алкагында Тынч океандагы аскер-деңиз флотун жогорку даярдык режимине өткөрдү.

РИА агенттигинин маалыматына караганда, коргоо министри Сергей Шойгу: «Бул текшерүүнүн негизги максаты – Куралдуу Күчтөрдүн океан жана деңиз багытындагы ыктымалдуу душман чабуулунун мизин кайтаруу жөндөмдүүлүгүн жогорулатуу», - деди.

Башкы штабдын төрагасы Валерий Герасимов да текшерүүнүн алкагында Орусиянын деңиз күчтөрүнүн машыгуу аймактарына жайгаштырылып, күжүрмөн машыгууларды өткөрө турганын билдирди.