Ирандагы жер титирөөдөн 82 киши жаракат алды

Ирандын Батыш Азербайжан провинциясынын Хой шаарында болгон жер титирөөдө 82 киши жаракат алды.

Батыш Азербайжан губернаторлугунун Кризистик Башкармалыгынын башкы директору Эмир Аббас Жафери басма сөзгө берген маалыматында, очогу Хой шаары болгон 5,6 баллдык жер титирөөдө Хой жана Селмас шаарларындагы бир нече имараттын зыянга учураганын айтты.

Жафери: «Жер титирөөдө Хой жана Селмас шаарларында 82 киши жаракат алды»,-деди.

Бүгүн эртең менен болгон жер титирөө Түркиянын Хаккари жана Ван шаарларында да сезилди.

Түркия чек арасына жакын жайгашкан Хой шаарында 28-январда күчү 5,8 баллга жеткен жер титирөө болгон. Жер титирөөдө 3 адам каза болуп, 1167 адамдын жаракат алганы кабарланган.