Нетаньяху Батыш Шериадагы жаңы конуштар жөнүндө маалымат берди

Израилдин премьер-министри Биньямин Нетаньяху басып алынган Батыш Шерианын түндүгүндө жаңы конуштарды курууну караштырбай тургандарын айтты.

Израилдин премьер-министрлигинин басма сөз кеңсесинен берилген жазуу түрүндөгү маалыматка караганда, Нетаньяху 2005-жылы эвакуацияланган Батыш Шериадагы мыйзамсыз 4 жөөт конушунун кайрадан ачылышына байланыштуу мыйзам долбоорунун Израиль парламентинде бекитилишине токтолду.

Басып алынган Батыш Шерианын түндүгүнүн «жөөттөрдүн тарыхый мекенинин бир бөлүгү» экенин айткан Нетаньяху, парламентте кабыл алынган мыйзам менен «жөөттөрдүн Батыш Шерианын түндүгүндө жашашына тыюу салган дискриминациячыл жана кемсинтүүчү жобонун жоюлганын» айтып чыкты.

Нетаньяху: «Бирок өкмөт катары бул аймактарда жаңы конуштарды куруу ниетибиз жок»,-деди.

Израиль парламентинде 21-мартта жактырган мыйзам 10 миңдей жөөт отурукташуучунун 2005-жылы басып алынган Батыш Шерианын түндүгүндөгү конуштарга кайтып келишин камсыздоону көздөйт.

Эл аралык мыйзамдарга ылайык, оккупацияланган аймактардагы бардык жөөт конуштары мыйзамсыз деп эсептелет.