Мадагаскар, АКШ жана Ливияда мигранттардын кайыгы чөгүп кетти

Мадагаскарда мыйзамсыз мигранттарды ташыган кеменин чөгүп кетишинен 22 киши каза болду.

Жергиликтүү маалымат каражаттарынын жазганына караганда, Франциянын алыскы Майот аралына бараткан мыйзамсыз иммигранттарды ташыган кайык өлкөнүн түндүгүндөгү Носи-Фали аралында оодарылып кеткен.

Окуяда 22 адам каза болуп, 23 адам куткарылды.

Кайыкта 47 киши болсо, дайынсыз жоголгон 2 адамды издөө иштери уланууда.

АКШнын Калифорния штатындагы Сан-Диего шаарынын жээгинде мигранттардын кайыгы оодарылып, 8 киши каза болуп, 7 киши дайынсыз жоголду.

Аман калгандардын бири оодарылып кеткен мигранттардын кайыгы Мексикадан чыкканын айтты.

Жер Ортолук деңизинде Ливиянын жээктеринде бир мигрант кайыгынын оодарылышынын натыйжасында 17 мыйзамсыз мигрант куткарылды, 30 киши дайынсыз жоголду.

Италиянын Жээк коопсуздук командирлигинен кечээ кечинде жасалган жазуу түрүндөгү билдирүүсүндө, социалдык медиада Жер Ортолук деңизиндеги иммигранттардын жардам чакырыктарын жарыялаган «Ойготкуч телефон» деп аталган жарандык уюм тарабынан жасалган чалуу жана Ливия бийлигинин талабы менен Ливиянын жээгинен 100 чакырымдай алыстыкта ​​оодарылып кеткен кайыкта куткаруу операциясы жүргүзүлгөнү белгиленди.

Операцияда 47 кишинин болгону билдирилген кайыктагы 17 кишинин куткарылганы, бирок 30 кишинин дайынсыз жоголгону белгиленди.

Жоголгон мыйзамсыз мигранттарды табуу үчүн аймактагы эки соода кемеси деңизден жана Европа Биримдигинин (ЕБ) Чек араны коргоо агенттигине (Frontex) таандык кайгуул учагынын абадан издөө иштеринин уланып жатканы белгиленди.