Канададагы бир мектепте биринчи жолу исламофобияга каршы программа иштелип чыкты
Бул тууралуу Пил райондук мектеп башкармалыгынын коммуникация директору Манон Эдвардс билдирди.
Канадада биринчи жолу Торонто аймагындагы мектептин директорлор кеңеши исламофобияга каршы программаны ишке ашырууну чечти.
Пил райондук мектеп башкармалыгынын коммуникация директору Манон Эдвардс, башкаруу кеңешинин мындай чечимди аймактагы 244 мектепте бала бакчадан 12-класска чейинки 153 миң окуучунун төрттөн биринин мусулман болушунан улам кабыл алганын билдирди.
Башкаруу кеңешинин мусулман окуучулардын Пил райондук мектебинде болушун эске алуу менен программа боюнча чечим чыгарганын белгилеген Эдвардс, мусулман окуучулардын ушундайча өздөрүн коопсуз жана көбүрөөк камтыган билим чөйрөсүндө сезе ала тургандарын баса белгиледи.
Канада Мусулмандарынын Улуттук Кеңешинин (NCCM) Билим берүү программалары боюнча директору Асия Хан: «Пил райондук мектеп кеңеши исламофобияга каршы стратегияны иштеп чыккан Канададагы биринчи үлгүлүү мектеп»,- деди. Хан ошондой эле программа Түндүк Америкада биринчи болушу мүмкүн экенин белгиледи.
Исламофобияга каршы программанын түздөн-түз же кыйыр түрдө жек көрүү жана расизмден жабыркагандар тарабынан даярдалганын белгилеген Хан: «Пил райондук мектеп кеңешине келсек, биз исламофобияга каршы ушундай стратегияларды иштеп чыгуу үчүн өлкө боюнча мектеп кеңештери менен иштешүүнү улантабыз. Бул туура багыттагы маанилүү кадам»,-деди.
Негизги деңгээлде аныкталган программада мугалимдер жана башка кызматкерлер исламофобияга кабылышы мүмкүн болгон жагдайлар менен күрөшүүгө үйрөтүлөт.
Төрт жылдык мөөнөттө ишке ашырыла турган планда исламофобия менен күрөшүү, исламофобияга каршы окутуу модулдарын түзүү жана мусулман студенттик бирикмелерди кубаттоо каралган.
