Ирандын мамлекеттик телеканалынын веб-сайты хакердик чабуулга кабылды

Президент Ибрагим Раисинин сөзүн көрсөтүү маалында Ирандын мамлекеттик телекөрсөтүүсүнүн веб-сайты хакердик чабуулга кабылды.

Акцияны ишке ашырган «Алинин Адилеттиги» тобунун социалдык медиа каналынын Твиттердеги маалыматына караганда, түз эфирде Иран мамлекеттик телекөрсөтүүсүнө караштуу интернет уктуруучу Telewebion сайты бутага алынды.

Топтун бөлүшүүсүндө президент Раисинин Иран революциясынын 44 жылдыгынан улам борбор шаар Тегеранда өткөрүлгөн аземде сүйлөгөн сөзүндө сайттын хакердик чабуулга кабылганы белгиленди.

Социалдык тармактарда жарыяланган кадрларда хакердик топтун видеосу Раисинин сүйлөп жаткан маалында таратылганы көрүнүп турат.

Жарыяланган видеодо ушул аптада Иранга каршы акция өткөрүүгө чакырылды.

«Алинин адилеттиги» хакерлер тобу буга чейин Ирандын лидери Али Хаменеинин сөзүн көрсөтүү учурунда Ирандын мамлекеттик телеканалын бузуп киришкен.