Сирияда жер титирөөдөн каза болгондордун саны 3 миң 162ге жетти

Эпицентри Кахраманмараш болгон 7,7 жана 7,6 баллдык жер титирөөлөрдө Сириянын ар кайсы аймактарында каза болгондордун саны 3 миң 162ге, жаракат алгандардын саны 5 миң 235ке жетти.

Сирияда жер титирөөдөн жабыркаган Идлиб, Алеппо, Хама, Латакия жана Тартус провинцияларында издөө-куткаруу иштери 6-февралдан бери уланууда.

Асад режиминин кабар агенттиги САНАнын кабарына караганда, Халеп, Латакия, Хама жана Тартус облустарында режимдин көзөмөлүндөгү аймактарда 1262 киши каза болуп, 2285 киши жаракат алды.

Сириянын түндүгүндө оппозициянын көзөмөлүндөгү аймактарда көптөгөн имараттар кыйрап же зыянга учурады.

Сириянын Адам Укуктары Тармагы (SNHR), Жарандык коргонуу (Ак каскалылар), жергиликтүү жетекчилер, саламаттыкты сактоо мекемелери жана жергиликтүү булактардан алынган маалыматка караганда, Сириянын Идлиб менен «Евфрат калканы» жана «Зайтун бутагы» операциясы аймактарында кеминде 1900 адам каза болуп, 2950дөн ашуун киши жаракат алды.

Оппозициянын көзөмөлүндөгү аймактарда куткаруу иштерине Сириянын улуттук армиясынын (СМО) мүчөлөрү да катышууда.

Жер титирөөдө үйлөрү кыйраган адамдар көчөдө же убактылуу чатырларда түнөшүүдө.

Сириянын түндүк аймактарындагы жергиликтүү бейөкмөт уюмдар да чукул жардам чакырыгын жарыялашты.