Орусия-Мьянма кызматташтыгы
Эки өлкө келишимге кол койду.
Орусия менен Мьянманын ортосунда атомдук технологияларды колдонуу боюнча кызматташтыкты өнүктүрүү үчүн өкмөттөр аралык келишимге кол коюлду.
Орусиянын Мамлекеттик атомдук энергетика корпорациясынын (Росатом) билдирүүсүнө караганда, кол коюу аземи Росатом менен Мьянманын Илим жана технология министрлигинин биргелешкен долбоору болгон Мьянманын Янгон шаарындагы Өзөктүк технология маалымат борборунда өткөрүлдү.
Келишимдин алкагында Орусия менен Мьянма өзгөчө чакан атомдук электр станцияларын ишке ашырууда кызматташат. Расмий кол коюу аземинен кийин Росатомдун башкы директору Алексей Лихачев Мьянманын техникалык университеттеринин студенттерине атомдук технологиялар боюнча конференция өткөрүп, студенттердин суроолоруна жооп берди.
Билдирүүдө көз караштары орун алган Лихачев, быйыл Орусия-Мьянма карым-катнаштарынын 75 жылдыгы белгиленип жатканын айтып: «Өлкөдө жаңы өнөр жайдын түзүлүүсү Мьянманын энергетика тармагына, өнөр жайына жана экономикасына пайда алып келери шексиз. Мьянманын орусиялык өзөктүк технологияга артыкчылык бергенин жогору баалайбыз»,-деди.
