Италиядан Түркияга маанилүү билдирүү

Италия эпицентри Кахраманмараш болгон 7,7 жана 7,6 баллдык жер титирөөлөрдөн улам аймакка жардам жөнөттү.

Итальян элчилиги бул жардамды «Үмүтсүздүктүн артында көптөгөн үмүттөр бар, караңгынын артында көптөгөн жарыктар бар» деген сөздөр менен бөлүштү.

10 облуста болгон жер титирөөлөрдөн улам Түркияга көп сандаган өлкөлөр издөө-куткаруу кызматкерлерин жана жардамдарын жөнөтүштү. Италия да бул өлкөлөрдүн бири.

Италия элчилиги, жер титирөө болгон аймакка жөнөтүлгөн жардамдарды бөлүшкөн социалдык медиа постунда, Түркиянын жаңы типтеги коронавирус (Ковид-19) пандемиясы мезгилинде Италияга жөнөткөн жардам пакеттеринин үстүндөгү: «Үмүтсүздүктүн артында көптөгөн үмүттөр бар, караңгынын артында көптөгөн жарыктар бар» деген сөзүн жазды.

Дүйнөдө Ковид-19дан эң көп жабыркаган өлкөлөрдүн бири болгон Италияга Түркия жардам колун сунган болчу.

Жөнөтүлгөн жардамдар салынган кутулардын үстүндө итальян жана испан тилдеринде, сабырдуулук менен тынчтыктын символу болгон атактуу мистик Мевлананын «Үмүтсүздүктүн артында көптөгөн үмүттөр бар, караңгынын артында көптөгөн жарыктар бар» деген сөзү жазылган эле.