Путин Алиев жана Пашинян менен Карабах маселесин талкуулады

Орусиянын президенти Владимир Путин, Азербайжандын президенти Илхам Алиев жана Армениянын премьер-министри Никол Пашинян менен Карабах темасында үч тараптуу сүйлөшүү өткөрүшкөнүн билдирди.

Путин, Санкт-Петербург шаарында өтүп жаткан Көз карандысыз Мамлекеттер Шериктештигине мүчө-мамлекеттердин мамлекет башчыларынын бейформал саммитинин алкагында Армениянын премьер-министри Никол Пашинян менен жолугушту.

Үстүбүздөгү жылдын 10 айында Орусия менен Армениянын ортосундагы соодада 73 пайыздык өсүү болгонун белгилеген Путин, эки өлкөнүн ортосундагы экономикалык карым-катнаштардын абдан оң өнүккөнүн айтты.

Азербайжандын президенти Алиев жана Армениянын премьер-министри Пашинян менен Карабах темасында үч тараптуу жолугушуу өткөрүшкөндөрүн белгилеген Путин:«Биз кечээ сиз менен баштадык жана үч тараптуу жолугушууну ийгиликтүү өткөрдүк. Албетте, негизги маселе бүтүндөй Түштүк Кавказдагы кырдаалды жөнгө салуу, Азербайжан-Армения мамилелери, Карабахка байланыштуу бардык нерсе. Биз макулдашылгандай бул маселелердин баарын деталдуу талкуулайбыз»,-деп айтты.

Пашинян Лачын коридорундагы кырдаалга да токтолуп, коридор учурда орусиялык бейпилдик күчтөрүнүн көзөмөлүндө эмес экенин билдирди. Пашинян бул кырдаалды жана кандай варианттар бар экенин Путин менен талкуулоону каалаганын айтты.