Ирандагы нааразылык акциялары

Иранда Махса Эмининин камакта өлүмүнөн кийин башталган демонстрациялар кээ бир шаарларда уланды.

Борбор калаа Тегерандан тышкары Исфахан, Мешхед, Күрдистан жана Эльбурз провинциясынын Керец шаарында чогулган эл өкмөткө каршы ураандарды чакырып, жөө жүрүшкө чыгышты.

Тегерандын Сеттар Хан аймагында демонстранттар жолдордо өрт чыгарып, айланадагыларды нааразылык акцияларына кошулууга чакырышты.

Шаардын Нармек жана Читгер райондору да нааразылык акцияларына күбө болду.

Күрдистан провинциясынын Камяран шаарында мурдагы нааразылык акцияларында каза болгондорду эскерүү иш-чарасына катышкандар өкмөткө каршы ураандарды кыйкырып, Исфахан шаарында чогулган эл ураандар менен жүрүшкө чыгышты.

Тегеранда 22 жаштагы Махса Эмининин 16-сентябрда камакта каза болушу, өлкөнүн өкмөтүнө каршы демонстрацияларга себеп болгон.