Украинага Орусиянын кол салуулары жана жоготуулары

Украинанын ар кайсы аймактарында Орус күчтөрүнүн кечээки кол салууларында 10 жарандын каза болгону, 14 кишинин жараланганы жарыяланды.

Украинанын Президенттик аппаратынын жетекчисинин орун басары Кирило Тимощенко, Telegram эсебинен билдирүүсүндө, орус күчтөрүнүн Украинадагы түрдүү отурукташуу жерлерине акыркы бир күндө жасаган кол салуулары тууралуу маалымат берди.

Тимощенко өлкөсүнүн Днепр, Харьков, Запорожье, Донецк жана Херсон аймактарына жасалган кол салууларда 10 жайкын тургун каза болуп, 14ү жарадар болгондугу тууралуу маалыматты бөлүштү.

Украинанын Башкы штабынын расмий сайтында 24-февралдан 16-октябрга чейин орус армиясынын жоготуулары тууралуу билдирүү жарыяланды.

Орус армиясынын акыркы бир күндө дагы 300 аскерин жоготкондугу жана муну менен жалпы 65 миң аскердин каза болгондугу белгиленген билдирүүдө, Орустарга таандык 268 учак, 242 тик учак, 2529 танк, 5193 бронетехника, 1589 замбирек, 365 ракета аткыч жана 186 абадан коргонуу системасы жок кылынганы белгиленди.

Билдирүүдө орус күчтөрүнө таандык 3959 унаа, 16 кеме, ылдам жүрүүчү жеңил кайык жана 1224 учкучсуз учуучу аппараттын да жок болгону белгиленди.

Орусиянын коргоо министри Сергей Шойгу 21-сентябрда Украинадагы согушта 5937 орус аскери каза болгонун жарыялаган.