Мария Захарова Зеленскийдин жарлыгын "чыкпас жол "деп мүнөздөдү
Украинанын тездетилген түрдө НАТОго кирүү үчүн арыз бергенин белгилеген Захарова бул чечимдин АКШ жана союздаштарын кыйын абалда калтыргандыгын айтты.
Россиянын Тышкы иштер министрлигинин катчысы Мария Захарова Украинанын президенти Владимир Зеленскийдин Россиянын президенти Владимир Путин менен сүйлөшүүлөрдүн мүмкүн эместигине байланыштуу кол койгон жарлыкты «чыкпас жол» деп мүнөздөдү. Захарова борбор шаар Москвада өткөргөн жумалык пресс- жыйынына байланыштуу : «Бул Зеленскийдин чыкпас жолу. Сүйлөшүүлөрдөн эч качан баш тарткан жокпуз. Позициябызды ачыкча билдирдик. Бирок Киев жана батыш кызыкпагандыгын көрсөтүп, мындан баш тартты. Алар аянтта жеңишке жетүүнү каалады жана максаттарыбыздан баш тартарыбызды ойлошту»,- деди. Сөз болгон жарлыкка батыштын буйругу менен кол коюлгандыгын белгилеген Захарова батыштын Украинага курал өткөргөнүнө карабастан коопсуздук тууралуу коркунучтарга каршы чыгышарын айтты.
Украинанын тездетилген түрдө НАТОго кирүү үчүн арыз бергенин белгилеген Захарова бул чечимдин АКШ жана союздаштарын кыйын абалда калтыргандыгын айтты.
Захарова : «Баары бул абалдан НАТОнун 5 -беренесин колдонуу зарыл болушу мүмкүн экендигин билет. Бул да НАТОну маселенин бир тарабына айландырышы мүмкүн. Бул абдан олуттуу жана коркунучтуу»,- деди.
