Канар аралдарына мыйзамсыз мигранттардын агымы уланууда
Канар аралдарына быйылкы жылдын биринчи 7 айында 10 миң 347 мыйзамсыз мигрант барды.
Испаниянын түштүк-батышындагы Канар аралдарына 3-4-сентябрда 313 мыйзамсыз мигранттын барганы, 1 кишинин сапар учурунда каза болгондугу билдирилди.
Түндүк Африканын жээктеринен Испаниянын түштүк жээктерине, өзгөчө Канар аралдарына мыйзамсыз мигранттардын агымы уланууда.
Канар аралдарынын автономиялуу башкаруусу жана Жээк коопсуздук кызматы тарабынан басма сөзгө берилген маалыматка караганда, 3-4-сентябрь күндөрү ар кайсы убактарда 9 кайык менен жалпы 313 мыйзамсыз мигрант Ланзароте жана Фуэртевентура жээктерине барды.
Ланзаротанын түндүк-чыгышындагы Ла Полимниа жээгине 4-сентябрь күнү кечинде барган 55 мыйзамсыз мигрантты ташыган кайыктан бир эркектин сөөгү табылганы, ден-соолугуна байланыштуу 2 аялдын да ооруканага жеткирилгени белгиленди.
Жээк коопсуздук топторунун жардамы менен жээкке чыгарылган 313 мыйзамсыз мигранттын арасында аялдар менен балдардын да бар экени маалымдалды.
Канар аралдарына 2021-жылдын тийиштүү мезгилине салыштырмалуу быйылкы жылдын биринчи 7 айында 25 пайыздык өсүү менен жалпы 10 миң 347 мыйзамсыз мигрант барды.
