Орус күчтөрү Украинанын Краматорск шаарына ракеталык сокку урду

Украинада катуу кагылышуулар орун алган Донецк фронтуна жакын Краматорск шаарына орус күчтөрү тарабынан атылган ракетадан 6 киши жараланды.

Орусия менен Украинанын ортосунда уланып жаткан согушта эң катуу кагылышуулар орун алган Донецк фронтунан 25 чакырымдай алыстыкта ​​жайгашкан Краматорск шаарынын борборуна Орусиянын куралдуу күчтөрү тарабынан атылган ракета түштү.

Шаардын борборундагы 4 батирдин ортосунан жарылган ракетанын айланасындагы инфраструктура жана имараттарга чоң зыян келтирилип, жарылуунун натыйжасында 6 жаран жараланганы маалымдалды.

Урандылар болгон аймакты иликтеп жаткан Краматорск полициясынын тергөө бөлүмүнүн башчысы капитан Дмитрий Морозов кол салуу боюнча иликтөө иштери башталганын билдирди.