Россия менен Кытайды бириктирген көпүрө ачылды

 Россия менен Кытайды Амур дарыясы аркылуу бири бирине байланыштырган жана эки өлкөнүн ортосундагы экономикалык карым  - катнаштарды өнүктүрүшү күтүлгөн эки авто жол көпүрөсү ачылды.

Россиянын Благовещенск шаары менен Кытайдын Хэйхэ шаарынын ортосундагы Амур дарыясынын үстүндөгү 1080 метр узундуктагы өтмөктүн курулушу 2016 -  жылдын акырларында башталды.

19  миллиард рубль (328 миллион доллар)  сарпталган көпүрөнүн курулушу эки жыл мурда бүткөрүлсө да коронавирус эпидемиясынан улам жакында ачылды.

Кытайда  Ковид  - 19  эрежелери күчүндө болгондуктан  азырынча бир гана жүк ташуучу машиналардын өтүшүнө уруксат берилүүдө.

Россиянын вице-премьер-министри Юрий Трутнев аземде сүйлөгөн сөзүндө : «Бүгүнкү чачыранды дүйнөдө Россия менен Кытайдын ортосундагы Благовещенск-Хэйхэ көпүрөсү өзгөчө, символдук мааниси бар. Бул көпүрө Россия жана Кытай элдерин бири бирине байланыштырган башка бир достук линиясы болот»,- деди.

Кытайдын вице-премьер-министри Ху Чунхуа да иш-чаранын символикалык маанисине токтолду. Чунхуа байланыш менен  өлкөсүнүн дагы жакшы логистикалык кызматтарды көрсөтө аларын, өтмөктүн достук жана кызматташуу көпүрөсү болорун айтты.