Индияда катуу ысыктан улам 25 адам каза болду

Индияда 25 адам каза болгон ысык аба жаандан улам салкындады. ANI Newsтын кабарына караганда өлкөдө айрым аймактарда жаан  - чачындын болушу менен аба салкындады. 

Индиянын Метеорология департаменти катуу шамал жана нөшөрдүн Дели, Уттар - Прадеш жана Харьяна аймактарында улана турганын билдирди.

Муссон жамгырларынын  15 -  майдан тарта башталары билдирилди. Акыркы жумаларда Индия жана Пакистан башта болгон субконтиненттин көптөгөн жеринде абанын ысыктыгы  коркунучтуу деңгээлде жогорулады.

Индиянын борбор шаары Делиде 28 -  апрелде абанын температурасы 40 градустан жогоруга чыкты. Өлкөнүн  чыгышындагы Одиша провинциясында мектептер бир жумага жабылып, өлкөдө көптөгөн аймакта ысыктык 45 градустан жогорулады. Катуу ысыктан улам 25 кишинин каза болгондугу билдирилди.