Колумбияда учак кырсыкка учурады

Колумбияда коопсуздук күчтөрүн ташыган учак учкандан көп өтпөй кырсыкка учурап, 12 полиция жаракат алды.

Өлкөнүн Мета башкаруу борборуна караштуу Вильявисенсио шаарындагы Вангуардиа аэропортунан учкан, полицияларды ташыган DC-3 үлгүсүндөгү учак учкандан көп өтпөй кырсыкка учурады.

Кырсыкта 12 полиция жаракат алды, бирөөсүнүн абалынын оор экендиги билдирилди. Кырсыктан улам аэропорт аянты бир канча убакытка жүргүнчүлөргө жабылды.

Жетекчилер PNC-0257 номерге катталган учактын катуу шамалдан улам кырсыкка учурашы мүмкүн экендигин айтышууда.

Бир тараптан учактын кырсыкка учурагандагы учурду көрсөткөн видеолор соцтармактарда бөлүшүлдү.