Буркина-Фасодо азык-түлүк каатчылыгы...
Министр Киба келерки аптадан тарта бул маселе боюнча керектүү чаралар көрүлөрүн белгиледи.
Буркина-Фасодо 2,8 миллион адам азык-түлүк каатчылыгына дуушар болууда...
Жергиликтүү маалымат каражаттарынын билдирүүсүнө караганда, Азык-түлүк жана тамак-аш абалын болжолдоо комитети (CPSA) быйылкы жылдын биринчи баа берүү жыйынын өткөрдү.
Алдын ала жыйынтыктарга караганда, болжол менен 21 миллион калкы бар өлкөдө быйыл 2,8 миллион адам азык-түлүк каатчылыгына дуушар болууда.
Жыйынга байланыштуу мамлекеттик телеканал RTBге баа берген айыл чарба министри Иннокентий Киба да азык-түлүк кризисинин коопсуздук маселеси, куш тумоосу жана өлкөдө өндүрүштүн азайышына себеп болгон коронавирус пандемиясынан улап келип чыкканын айтты.
Министр Киба келерки аптадан тарта бул маселе боюнча керектүү чаралар көрүлөрүн белгиледи.
Малиде 2012-жылы күч алган коопсуздук кризиси 2015-жылдан бери Буркина-Фасого террордук кол салуулар катары чагылууда.
Өкмөттүн маалыматына караганда, 2016-жылдан 2021-жылдын декабрына чейин террордук чабуулдардан 600ү коопсуздук күчтөрү болгон 2 миң адам каза болду.
Улуттук чукул жардам жана реабилитациялоо кеңешинин өткөн жумада жарыялаган маалыматына караганда, террордук кол салуулардан улам көчүүгө мажбур болгондордун саны 28-февралдан тарта 1 миллион 814 миң 283кө жетти.
