Болгарияда Путинге берилген "ардактуу доктор" наамы кайра алынды

Болгарияда 2009 -  жылы Владимир Путинге берилген  «ардактуу доктор» наамы кайра алынды.

Болгарияда Велико Тырноводогу Свети Кирил и Методийи университетинин  окумуштуулар кеңеши 2009 -  жылы 26 -  январда Россия Федерациясынын  премьер  - министри  Путинге «заманбап дүйнөнүн тынчтыгына кошкон салымынан» улам берген ардактуу доктор наамын кайра алды.

Университеттин ректору, профессор Кирил Бонджолов Болгария улуттук радиосуна берген маалыматында : «Курулган атайын териштирүү комиссиясы 13 жыл мурун кабыл алынган чечимдин себептерин иликтеп, наамдын мыйзамсыз берилгендиги аныкталды»,- деди.

Бонджолов университеттин чечиминин саясий негизге таянбагандыгын айтты.

«Жашыл кыймыл»  атуу жарандык коом уюму Путинге берилген бул наамды кайра алуу үчүн бир ай мурда аракетке өткөн.

Премьер  - министрлигинин башында 2003 – жылы биринчи өлкө тышы сапарын Болгарияга жасаган Путин андан кийин 2008 -  2010 – жылы да бул өлкөгө барган.

2010 -  жылдагы сапарында мезгилдин Болгария премьер  - министри Бойко Борисов Путинге бир күчүк белек кылган.