Лавров Байрамов жана Мирзоян менен телефон аркылуу сүйлөштү

Орусиянын тышкы иштер министри Сергей Лавров Азербайжан жана Армениянын тышкы иштер министрлери Жейхун Байрамов жана Арарат Мирзоян менен телефон аркылуу өз-өзүнчө сүйлөштү.

Орусиянын Тышкы иштер министрлигинин жазуу түрүндөгү маалыматына караганда, Лавровдун Байрамов жана Мирзоян менен өткөргөн телефондогу сүйлөшүүлөрүндө Орусия, Азербайжан жана Армениянын ортосунда 2020-жылдын 9-ноябрында, 2021-жылдын 11-январында жана 2021-жылдын 26-ноябрында кол коюлган келишимдердин аткарылышы талкууланды. 

Азербайжан менен Армениянын ортосунда тынчтык келишимине кол коюу маселеси да каралган сүйлөшүүдө, Орусиянын бул темада колдоо көрсөтүүгө даяр экени баса белгиленди.

Ошондой эле 3+3 (Азербайжан, Армения, Грузия жана Россия, Түркия, Иран) аймактык кызматташтык платформасынын мындан аркы иштери боюнча пикир алмашылды.