Ципрас грек өкмөтүн Түркия менен болгон мамилеси боюнча сынга алды
Радикал солчул биримдик СИРИЗА партиясынын лидери жана мурдагы премьер-министрлеринин бири Алексис Ципрас Греция парламентинде өкмөттүн тышкы саясатын сындап, Түркия менен диалог эшигинин ачык болушу керектигин белгиледи.
Грецияда негизги оппозициячыл Радикал солчул биримдик СИРИЗА партиясынын лидери жана мурдагы премьер-министрлеринин бири Алексис Ципрас өкмөттүн тышкы саясатын сындап, Түркия менен диалог эшигинин ачык болушу керектигин белгиледи.
Греция парламентинде Украинадагы акыркы абалга байланыштуу сүйлөгөн сөзүндө Ципрас: «Биздин оюбузча, Украина кризиси алып келген туруксуздук жана кайра классификация, Эгей жана Чыгыш Жер Ортолук деңиздеги чыңалууну басаңдатуу үчүн Түркия менен активдүү диалогду талап кылуубуз үчүн кошумча себеп»,- деди.
Түркия менен диалог эшигинин ачык калтырылышы керектигин баса белгилеген Ципрас: «Сиздин инерттүү дипломатиялык стратегияны тандооңузду актоо үчүн Түркия обочолонуп калды деген иллюзиялуу билдирүүңүздү талап кылуу туура эмес. Сиз жана өкмөтчүл маалымат каражаттары Түркиянын окуялардан пайдаланып, Греция менен кризиске алып келет деп болжолдоолоруңуз туура эмес»,-деп айтты.
Грециянын премьер-министри Кирякос Мицотакис болсо Ципрастын сындарына жооп катары Түркия менен диалог үчүн эшикти жаппаганын жана Анкара менен диалогго ар дайым ачык экенин айтты.
