Путиндин Украинага билдирүүсү

Орусиянын президенти Владимир Путин Украинадан ортосундагы көйгөйлөрдү чечүү үчүн НАТОго кирүүнүн ордуна нейтралдуу статуска ээ болууну жана Крымдын аннексиясын таанууну талап кылды.

Путин журналисттерге билдирүү жасады. 

2014-жылы кол коюлган Минск келишиминин Украинанын келишимге баш ийбестигинен улам жараксыз болуп калганын айткан орус лидер, Батыш өлкөлөрүнүн да бул процессте активдүү роль ойной албаганын баса белгиледи. Путин: "Ошондуктан биздин Донецк Эл Республикасы менен Луганск Эл Республикасын таануудан башка аргабыз жок. Ооба, Минск келишими эми жок. Биз бул республикаларды тааныдык", - деди.

Владимир Путин Украинанын НАТОго мүчөлүгү тууралуу: «Батыш өлкөлөрүндөгү кесиптештерибиздин жүзүн жоготуп албашы үчүн бул маселени чечүүнүн эң жакшы жолу азыркы Киев администрациясынын НАТОго кошулуудан баш тартуусу жана бейтараптуулукту кармануусу», - деп айтып: “Украина мамилелерди жөнгө салуу үчүн Крым менен Севастопольдо жашагандардын Орусияга кошулуу чечимин таануусу керек",-деди.