НАТО Түркияны куттуктады

НАТОнун баш катчысы Йенс Столтенберг Түркиянын НАТОго мүчөлүгүнүн 70 жылдыгынан улам улуттук коргоо министри Хулуси Акарды куттуктады.

Акар НАТОнун коргоо министрлеринин жыйынынын алкагында барган Бельгиянын борбор шаары Брюсселдеги НАТОнун башкы кеңсесинде жолугушууларын улантты.

Сессияларга катышкан жана эки тараптуу сүйлөшүүлөрдү өткөргөн Акар, НАТОнун баш катчысы Столтенберг менен да жолугушту.

Йенс Столтенберг Түркиянын НАТОго мүчөлүгүнүн 70 жылдыгынан улам министр Акарды куттуктаган жолугушуунун аягында алар эстеликке фотосүрөткө түшүштү.