Байден менен Макрон Украина тууралуу сүйлөшүштү

Америка Кошмо Штаттарынын  президенти Жо Байден менен Франциянын президенти Эммануэль Макрон Украина кризисиндеги акыркы абалга баа беришти.

Ак үйдөн берилген маалыматка караганда, Байден менен Макрон телефон аркылуу  Украина кризисин талкуулашты.

Россиянын Украина чек арасына аскер жайгаштыруусуна каршы НАТО союздаштарынын ортосунда жакын координациянын түзүлгөндүгүн баса белгилеген эки лидер Макрондун акыркы Россия жана Украина сапары тууралуу сүйлөшүштү. 

Франциянын президенти Макрон Москвада Россиянын президенти Владимир Путин, Киевде Украинанын президенти Владимир Зеленский менен Украина чек арасындагы кризисти сүйлөшкөн.