АКШ: «Иран менен өзөктүк келишим үчүн бир канча апталык мөөнөт калды»

Америка Кошмо Штаттары (АКШ) Иран менен өзөктүк сүйлөшүүлөрдө акыркы баскычка жеткендерин, эгер Иран бир нече жума ичинде келишимге кайтпаса, келишимге кайтуу мүмкүн болбой турганын билдирди.

АКШнын Мамлекеттик департаментинин бир өкүлү журналисттерге телеконференция аркылуу Иран менен 5+1 өлкөлөрү (АКШ, Орусия, Кытай, Франция, Англия жана Германия) Ирандын өзөктүк программасын алдын алуу үчүн 2015-жылы кол коюлган жана Ирандын өзөктүк программасын алдын алуу боюнча биргелешкен комплекстүү аракеттер планы (OKEP) келишимине кайтуу боюнча сүйлөшүүлөрдүн жүрүшү тууралуу маалымат берди.

Сүйлөшүүлөрдүн акыркы баскычында экенин жана Ирандын өзөктүк иш-аракеттерин улантып жаткандыктан бул процесстин убактысы бүтүп баратканын белгиледи.

Ал ошондой эле: «Ирандын өзөктүк ишмердүүлүгүндөгү прогресстин темпин эске алып, келишимге жетишүү үчүн бизде саналуу гана жумалар калды. Бул учурдан кийин тилекке каршы OKEPке кайтып келүү жана келишимдин бизге берген ядролук куралдарды жайылтпоо боюнча жеңилдиктерди калыбына келтирүү мүмкүн болбой калат»,-деп айтты.

Америка Кошмо Штаттарынын санкцияларды жоюу үчүн зарыл болгон бардык кадамдарды таштоого даяр экенин белгилеген АКШлык өкүл, Ирандын келишимге кайтпоо тандоосу тууралуу: «Болбосо биз каршылыгызды күчөтүшүбүз керек жана бул да көбүрөөк кысым дегенди билдирет»,- деди.

Иран менен Бириккен Улуттар Уюмунун Коопсуздук Кеңешинин беш туруктуу мүчөсү жана Германия 2015-жылы Ирандын өзөктүк курал программасын алдын алуу үчүн OKEP келишимине кол коюшкан. Бирок АКШнын мурунку президенти Дональд Трамп 2018-жылдын 8-майында бул келишимден чыгып жатканын жарыялап, Иранга оор экономикалык санкцияларды киргизген.

2021-жылдын 20-январында кызматка келген президент Жо Байден өзүнүн алгачкы аракеттеринин бири катары Мамлекеттик департаментке Ирандын өзөктүк келишимине кайтуу боюнча сүйлөшүүлөрдү баштоону буйруган.

2021-жылдын апрель айында башталган сүйлөшүүлөрдөн азырынча эч кандай жыйынтык чыга элек.