Шахин: «Omicron үчүн Ковид-19 вакцинасын тез ылайыкташтыра алабыз»

Германиянын биотехнологиялык BioNTech компаниясынын башкы жетекчиси түрк илимпозу профессор доктор Угур Шахин, Ковид-19га каршы эмделген адамдардын жаңы Omicron вариантына карата жетиштүү корголуп же корголбогундугу темасынын азырынча так эмес экенин жана алар вакцинаны тез ыңгайлаштыра ала тургандарын билдирди.

Шахин Рейтер агенттиги уюштурган иш-чарада суроолорго жооп берди.

Угур Шахин жаңы варианттын эмделген адамдарга да жугушу мүмкүн экенин, бирок эмделген адамдардын оорунун оор агымынан корголгондорун ойлогондорун айтты.

Шахин жаңы варианттын күтүлгөндөн эрте пайда болгонун белгилеп: «COVID-19 вакцинасын жаңы вариантка тез ыңгайлаштыруу мүмкүнчүлүгүбүз бар»,-деди.

Омикрон вариантында абалдын канчалык шашылыш болуп же болгонун түшүнүүгө аракет кылып жатышканын белгилеген Шахин, эгер жаңы вакцина керек болсо ылайыкташтырылган вакцинанын келерки жылы даяр болушу мүмкүн экенин айтты.

Шахин, Ковид-19 вирусунун мутациясынын мезгилдик сасык тумоо сыяктуу жыл сайын вакцинаны алуу ыктымалдыгын жогорулатканына көңүл бурду.

Ковид-19га каршы жаңы вакцинага муктаждык болорун ойлогондугун белгилеген Шахин: «Биринчи суроо; буга качан муктаждык болору»,-деди.