Украинада Африканын 7 өлкөсүнөн келгендер карантинге алынат

Украина коронавирустун (Ковид-19) Omicron вариантынан улам Африканын 7 өлкөсүнөн келгендерге 14 күндүк карантинди колдонууну чечти.

Украинанын Саламаттыкты сактоо министрлиги акыркы 14 күндө Түштүк Африка, Ботсвана, Зимбабве, Намибия, Лесото, Эсватини жана Мозамбикте 7 күндөн ашык калган жарандардын өлкөгө киргенден кийин 14 күн карантинде болушу керектиги тууралуу билдирүү жасады.

Билдирүүдө украин жарандарына Ковид-19 вирусунун жаңы варианты табылган бул 7 өлкөгө барбоого кеңеш берилди.