Путин менен Алиев Сочиде жолугушту

Россиянын президенти Владимир Путин менен Азербайжандын президенти Илхам Алиев Россиянын Сочи шаарында жолугушту.

Путин Алиев менен болгон жолугушуусунда эки өлкөнүн саясий жана соода  карым - катнаштарынын өнүгүп жатканын айтты.

Россия менен Азербайжандын ортосундагы соода көлөмүнүн быйылкы жылдын 9 айында өткөн жылдын тийиштүү мезгилине салыштырмалуу 11 пайызга өскөнүн белгилеген Путин: "Россия Азербайжандын негизги соода өнөктөштөрүнүн бири болууну улантууда",-  деди.

Карабахта көйгөйлөрдүн уланып жатканын белгилеген Путин: «Россиянын тынчтык күчтөрү чөлкөмдө оң роль ойноп жатат. Түркия  - Россия биргелешкен байкоо борбору да эффективдүү иштеп жатат. Бирок тилекке каршы облуста айрым окуялар жана жоготуулар болууда»,- деди.

Армениянын премьер - министри Никол Пашинян да катыша турган бүгүнкү үч тараптуу саммитте Карабах темасынын кеңири карала турганын белгилеген Путин : «Биз бүгүн Карабахта элдин тынчтыгы  жана аймакты өнүктүрүү үчүн зарыл шарттарды түзүү үчүн чогулдук. Эмне жасаларын, эмне кылса болорун сүйлөшөбүз»,- деди.

Алиев да  Россия менен болгон карым - катнаштарын стратегиялык өнөктөштүк катары мүнөздөгөндөрүн, мунун өзүнчө эмес экенин, бирок карым - катнаштарды мындан ары өнүктүрүүгө басым жасашканын баса белгиледи.

Путин менен Алиевдин эки тараптуу жолугушуусунан кийин Сочиде Пашиняндын катышуусунда үч тараптуу саммит өткөрүлүшү пландалууда.