Pfizer вакцина сырларынын уурдалганын жарыялады

Америка Кошмо Штаттарында (АКШ) жайгашкан Pfizer фармацевтикалык компаниясы кызматтан кеткен кызматкерди көп сандагы жашыруун документтерди, анын ичинде жаңы түрдөгү коронавируска (Ковид-19) вакцина жана башка тиешелүү коммерциялык сырларды жок кылууга жана жашырууга аракет кылган деп айыптады.

Германиянын Biontech компаниясы менен биргеликте коронавируска каршы вакцина чыгарган Pfizer компаниясы жумушун таштап кеткен компаниянын кызматкери тарабынан көптөгөн жашыруун документтер уурдалганын ырастады.

Russian Today гезитинин кабарына караганда, компаниядан кеткен Чун Сяо Ли Google Drive аккаунтуна Pfizer документтерин камтыган 12 миң файл жүктөгөн. Ли октябрдын аягында бул файлдарды өзүнүн жеке аппаратына өткөрүп алган.

Компаниянын билдирүүсүндө, Ли колго түшүргөн көптөгөн документтер бар экени, бирок Pfizer Ли ээ болгон коммерциялык сырлардын жана жашыруун маалыматтардын толук көлөмүн түшүнө электиги айтылды.

Pfizer ошондой эле Ли 5 белгисиз шериги менен иштешкенин жана ал тургай компаниянын коопсуздук тобун адаштыруу үчүн жасалма ноутбук колдонууга чейин баргандыгын ырастады.

Компания документти уурдоо фактысын тапкандан кийин Линин электрондук почталарын, файлдарга кирүү мүмкүнчүлүгүн жана анын компания чыгарган ноутбуктагы веб-иштерин карап чыгып, ал атаандаш фармацевтикалык компания Xencor менен бизнес мүмкүнчүлүгү тууралуу сүйлөшүүлөрдү жүргүзүп жатканын аныктаганын билдирди.